Барша шәкірттер секілді мен де өз сыныптастарымды және бізді үнемі білім мен адамгершілік жолына бағыттап жүрген ұстазым Алтынгүл Сағынбайқызын мақтан тұтамын. Сынып жетекшіміз біздің жан-жақты болып өсуіміз үшін барын салып жүр.
Біздің сыныпта білімді, өнерлі оқушылар жиналған. Ең сүйікті пәніміздің бірі - бейнелеу. Ол кезде бәріміз бір-бірімізбен бәсекелесіп, шабыттанып кетеміз. Бірде ұстазымыз бейнелеу сабағында «Менің ғажайып үйім» деген тақырыпта суретшілер сайысын ұйымдастырды. Бәріміз жарыса сурет салуға кірістік. Сыныптастарымның баршасы да жеңімпаз болуға барын салды. Сабақ соңында үздік суретшіні анықтадық. Айболат Рауанұлы атты сыныптасым бәрімізден озып, өте әсерлі, әрі шынайы туындысын ұсынды. Оның әр салған суретіне таң қалып қызығатын едік. Сайыс кезінде барын салып керемет шеберлігін көрсете алды. Бәріміз өз үйіміздің суретін Айболаттың салғанына ұқсастырып салып шықтық. Біз Айболатпен мақтанамыз. Ол біздің сыныптың ең үздік суретшісі. Болашақта еліміздегі атақты тұлғалардың бірі боларына сенеміз.
Каусар Рахимова,
№3 жалпы орта білім беретін мектептің 3-сынып оқушысы
