«Coworking» орталығы шақырады!

«Coworking» орталығы шақырады!

Күнделікті өмірімізге ене бастаған «Coworking» сөзі – ағылшыннан аударғанда «бірге жұмыс жасау» деген мағынаны білдіреді. Соңғы кезде кітапханалардан «Coworking» орталығының ашылуы – оқырмандар үшін жақсы жаңалық болды. Негізгі мақсаты – заманауи білім орталығының жобасы аясында оқу ордасындағы кітапхананың қызмет көрсету деңгейін арттыру.

Бұл жоба жас буынның білімділік сауаттылығын арттыруға бағытталған. Өйткені, қазір кітапқұмар жастар азайып кетті. Оған басты себеп – кітапханалардың заман ағымынан кенжелеп қалуы. Осы олқылықтың орнын толтырып, оқырманды кітапханаға қайта тарту мақсатында кітапханаларда «Coworking» орталығы ашылған еді. Жақында Құлсары қаласындағы №6 жалпы орта білім беретін мектепте де дәл осындай орталықтың тұсауы кесілді.

Кітапханада қазір балалар тек кітап оқумен ғана шектелмейді, сүйікті ісімен де айналыса алады. Айталық, тоғызқұмалақ, шахмат, дойбы ойнап, ән тыңдап, әртүрлі шаралар өткізіп, әлеуметтік желіден қажетті ақпараттар алмасады.

Қазіргі таңда біздің білім ордасында 2498 бала білім алып жатыр. 2021 жылы мектептің үшінші қабатында «Mobildi kitaphana», «Буккроссинг» жасалып,  ол «Оқуға құштар мектеп» жобасы аясында мектеп кітапханасына екінші өмір сыйлады. Іші заманға сай жабдықталып, оқушылардың рухани азық алуына барлық жағдай жасалған.

- «Coworking» – балалардың бірлесе оқуына жағдай жасауға, интеллекті ойындар ойнап, бір-бірімен пікір алмасуға, оқыған кітабымен ой бөлісуге арналған орталық. Оқушылардың бос уақытын осы жерде тиімді өткізуге шақырамыз,-дейді кітапхана меңгерушісі Б.Құрмашева.

А. Бегендикова, кітапханашы

ФОТОГАЛЕРЕЯ

Біріңғай мемлекеттік байланыс

AQPARATPRINT