Жаңа оқу жылында білім беру ұйымдарына 45 маман жетіспейді. Әсіресе, орыс класының мамандары тапшы (математика - 7, АӘД - 4, орыс тілі, әдебиеті - 17, бастауыш - 17). Бұл туралы Атырау облысы Білім беру басқармасының Жылыой ауданы білім бөлімі басшысы Айбарша Қақпанбаева айтты.
Аудандағы жалпы орта білім беретін мектепте 1704 педагог еңбек етеді. Жоғары санатты мұғалім саны-28, бірінші санатты мұғалім саны-53, екінші санатты мұғалім саны - 97. Біліктілік санатының жаңа жүйесі бойынша педагог мастер-11, педагог зерттеуші-186, педагог сарапшы-336, педагог модератор-361.
Өткен 2021-2022 оқу жылына 70 маман жұмысқа орналастырылды. Оның ішінде 47 маман - грантпен бітіріп, жұмысқа орналасқандар. «Дипломмен ауылға» бағдарламасы бойынша 8 жас маман жұмысқа орналасты.
Президент Қасым-Жомарт Кемелұлы Тоқаевтың тапсырмасы негізінде мұғалімдер тапшылығы байқалған өңірлерге «Үздік педагогтерді тартудың тиісті қолдау шараларының пакеті бар арнаулы бағдарламасын» орындау мақсатында жас мамандарды жұмысқа тартуға бөлімнің кадр маманы Алматы, Шымкент, Түркістан, Тараз қалаларындағы жоғары оқу орнының түлектерді бөлу шарасына қатысып келді.
Фото ашық дерекөздерден алынды
