Қосшағыл ауылдық округіндегі №2 мектепте «Әлеуметтік желінің пайдасы мен зияны” тақырыбында 5 сынып оқушыларына арналған ақпараттық-тренинг сабағы өтті. Оны мектеп психологы Индира Ғалымжан мен 9 “г” сынып оқушысы Қайпен Мирас ұйымдастырған.
Психолог Индира Ғалымжанқызы оқушылардан телефонның пайдасы мен зияны жайлы өзіндік пікірлерін сұрады. Осы уақытта пікірлер екіге бөлініп, әр оқушы өзінше түйгенін топшылап жатты. Ал 9 “г” сынып оқушысы Қайпен Мирас жас болса да зерттеушілік қабілетке ие оқушы болғандықтан, өз зеттеулеріне сүйене отырып, әлеуметтік желіні пайдаланудағы қауіпті тұстарын айтты. Ол оқушыларды телефонды ұзақ уақыт ұстамауға шақырды. Сонымен қатар, телефонды пайдалы ақпарат алу үшін ғана пайдалану керектігін айтып, жақсы бағыт бағдар берді. Іс-шара соңында оқушыларға тренинг өткізіліп, осы аталған тақырып бойынша эссе конкурсын ашық деп жариялады.
П.ТӘЖІ
