Қазіргі таңда ата-аналар балаларының мектеп табалдырығын аттауын күтпей-ақ олардың білімі үшін ерте қамдануға көшкен. Оның дәлелі – қаладағы самсап тұрған жеке оқу орындары. Әсіресе, бастауыш сыныптардың бағдарламасын қосымша үйрететін орталықтардан көз сүрінеді. Әрине, бұл жерде саннан гөрі сапа өте маңызды болмақ. Соның бірі – білікті маман Ақкенже Айтбаева жетекшілік ететін «Білім» оқу орталығы.
Екі жылдан бері балаларға әріп пен сан үйретуден бастап, олардың емін-еркін әліппені оқып, е септі мүдірмей шығаруына түрткі болып жүрген орталық биыл да біраз баланы тәрбиелеп шығарды. Қосымша білім арқылы зейіні ашылып, әрбір сабақ түйсігіне жеткен балалар үшін жаңа оқу жылы оңайырақ болатыны сөзсіз. Бұған ата-аналар да дән риза.
Тамыз айында марапаттау кеші өткен шарада сол ата-аналар Ақкенже Айтбайқызына алғысын жаудырып жатыр.
– Бізде көпбалалы, тұрмыс жағдайы төмен отбасылар үшін жеңілдік қарастырылған. Жақсы нәтижеміздің арқасында бұл орталыққа келушілердің де саны күн санап артып келеді. Әрине, болашақ білімді ұрпақты тәрбиелеу жо - лында барымызды салып жатқан жайымыз бар,-дейді А. Айтбаева.
П.ҚИЗАТОВА
