«Зейнеп Әмина және балапандар» бөбекжайында осындай атпен сайыс өтті.

«Зейнеп Әмина және балапандар» бөбекжайында «Бабамның тілі – ұрпағыма аманат» атты сайыс өтті. Оған ата-аналар қатысты. Сайысты әдіскер Асылай Талапкер, тәрбиеші Жанаргүл Ерғалиевалар ұйымдастырып, жүргізді. Қатысушылар таныстыру, мәнерлеп оқу, шешендік өнер, мақал мәтел айту сынды кезеңдерден өтті. Кішкентай бөбекжай тәрбиеленушілері "Аққу" биімен сайыстың көркін аша түсті.

Нәтижесінде бас жүлдені Үзіл Қоқымбаева жеңіп алды. Жанна Есіркепова 1-орын, ал Диляра Нұржанова 2-орынды иеленсе, Нұргүл Мұстафаева мен Зәмзәгүл Махатовалар 3-орынды еншіледі.

Белсенділік танытып, шараға қатысқан ата-аналарға бөбекжай меңгерушісі Айнұр Назарбаева ризашылығын білдірді. Жеңімпаздар арнайы дайындалған дипломдармен марапатталды.

Қ.Нұртайұлы