ЕЛІМІЗДІҢ БІЛІМ ЖӘНЕ ҒЫЛЫМ МИНИСТРІ АСХАТ АЙМАҒАМБЕТОВ ДЕБАТ ҚОЗҒАЛЫСТАРЫН ЖАНДАНДЫРУ ЖӘНЕ МЕКТЕПТЕГІ ӨЗІН-ӨЗІ БАСҚАРУДЫ ЖЕТІЛДІРУ ТУРАЛЫ ПІКІР АЙТҚАН БОЛАТЫН.
№1 жалпы орта білім беретін мектеп парламентінің "Өзін-өзі басқару" ұйымының Дебат қозғалысы фракциясының министрі Зарина Құмарғалиева мен Бекмағанбет Нұрханымның осы бағытта қол жеткізген жетістіктері көп. Олар №7 мектепте болған дебатта II орынды және "Ең үздік спикер" номинациясын жеңіп алған болатын. Ал биылғы жылы 24 қаңтар күні №6 мектепте "Ұшқыр ой алаңы" аудандық дебат турнирі өткен болатын. Оған 16 команда қатысып, өз бақтарын сынады. №1 мектеп атынан бұрын үздік спикер болып жүрген Зарина Құмарғалиева қатысып, "Дебаттық креатив" номинациясымен марапатталды. Қазіргі таңда оның облыстық сайыстан алған екі Алғыс хаты және сертификаттары бар. Осындай зерек жастардың білімін шыңдап, қанатын қатайтуға өз үлесін қосып жүрген дебат жетекшісі, тәрбие ісі орынбасары Райса Мұстафақызының да еңбегі зор.
С.САГЫНДЫКОВА,
№1 мектептің Ақпарат фракциясы мүшесі
