Қара Арна ауылдық округі әкімі аппаратында «Өзіне-өзі қызмет көрсету бұрышы» бар. Онда үйіне интернет желісі тартылмаған немесе компьютері жоқ тұрғындар электронды цифрлық қолтаңбасы мен өзіне қажетті мемлекеттік қызмет түрлерін ала алады. Бұл бұрыш дербес компьютермен толық жабдықталған және ауыл халқына кеңес беру үшін арнайы қызметкер де тағайындалған. Мұнда «Электронды үкімет» веб - порталынан электронды түрде қызмет алу мүмкіндігі қарастырылған.
Нақтырақ айтқанда:
-ЭСҚ-ға өтініш;
-жеке тұлғаның жылжымайтын мүліктің болуы (болмауы) туралы;
-жұмыссыз ретінде азаматтарды тіркеу;
-сотталғандығының болуы немесе болмауы туралы анықтама алу;
-зейнетақы аударымдары жөнінде анықтама;
-медициналық ұйымға тіркелу секілді басқа да қызметтерді алуына болады. Сонымен қатар:
-«Жер учаскесінің нысаналы мақсатын өзгертуге шешім беру», «Елді мекендер шегінде объектілер салу үшін жер учаскелерін беру», «Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтарды алу», «Жер учаскесін жекеменшікке ақысын бірден төлеп не бөліп төлеуге сату», «Жер учаскесін алу үшін кезекке қою» секілді мемлекеттік көрсетілетін қызметтеріне өтінішті «Е-лицензиялау» порталы арқылы бере алады.
Қазіргі таңда мемлекеттік қызметті «Электрондық үкімет» веб – порталы арқылы жүзеге асыру, халыққа электронды сервистерді қолдану тиімді. Бұл ретте ауылдық әкімдіктегі қызмет көрсету бұрышы таңертеңгі сағат 9:00 – 18.30 аралығында (түскі үзіліс 13.00-14.30) жұмыс жасайды.
Сұлу Ідірбай,
Қара Арна ауылдық округі әкімі аппаратының бас маманы
