Жылыой ауданында жұмыссыздықты азайту мақсатында бірқатар іс-шаралар жүзеге асырылуда. Соның бірі аудан әкімдігі мен «Maxwell Energy» мекемесінің ұйымдастыруымен «Apec Training Сenter» тренинг орталығы Құлсары қаласында тегін оқыту курсын өткізуде.
Аталған оқыту жұмыстарына Жылыой аудандық жұмыспен қамту орталығына жұмыссыз ретінде тіркелген азаматтар қатысып жатыр. Олар «Бақылау өлшеуші құралдары және автоматика» (КИПиА) мамандығы бойынша оқытылуда.
Айта кетейік, ауданымыздың 100 азаматы «Бақылау өлшеуші құралдары және автоматика» (КИПиА) мамандығы бойынша оқып шығатын болады. Қазіргі таңда 26 жұмыссыз азамат оқуды бастап кетті. Оқу кезең-кезеңімен өткізіледі. Сондай-ақ, алдағы уақытта арнайы оқыту курстары жалғасын табатын болады.
Жылыой ауданы әкімдігінің баспасөз қызметі
