Кеше Жылыой ауданының төтенше жағдайлар гарнизоны қызметкерлері тұрғындарға түсіндірме жұмыстарын жүргізді.
Аудандық төтенше жағдайлар гарнизоны қызметкерлері мен жастар ресурстық орталығының еріктілер тобы тұрғын үйлердегі жылыту маусымына дайындық барысында өрттердің алдын алу, көмірқышқыл газынан улану жағдайларын болдырмау мақсатында профилактикалық іс-шаралар жүргізді.
Шара барысында сала мамандары тұрғын үйлерді аралап, көмірқышқыл газын анықтайтын датчиктер қондырды. Сондай-ақ, тұрғындарға жылыту құрылғыларын дұрыс және қауіпсіз пайдалану жөнінде түсіндірме жұмыстары жүргізіп, үгіт-насихат материалдары таратты.
Жылыой ауданының төтенше жағдайлар бөлімі
