Ватсап желісінде аудандағы саятшылардың басын қосқан арнайы топ бар. Онда 150-ге тарта аңшылар мен балықшылар өзара пікір алмасып отырады. Соның ішінен 10 жігіт суырылып шығып, өткен аптада сенбілік ұйымдастырды.

Олар қалаға кіреберістегі көпір маңы мен Жем өзенінің бойын тазартқан. Бұған дейін де өзен жағасына демалуға баратын тұрғындардың ішкен-жегенінен қалған қалдықтарды қалдырып кете беретінін айтқан едік. Шашылған қоқыстарды байқаған саятшылар да шыдай алмаса керек, бірден іске кірісіп кетіпті. Сөйтіп, олар лас-қалдықтарды түгел үлкен дорбаларға жинап, көліктеріне тиеп алып кетті.

– Біздің топтағы саятшылардың бәрі сенбілікке қатысқысы келген. Бірақ көбі жұмыста болғандықтан, әзірге 10 шақты жігіт болып шықтық. Бұл өзге жастарға үлгі, ал табиғатқа аяушылық танытпайтындарға сабақ болса екен дейміз,-дейді ұйымдастырушылар.

П.ШЫМЫРБАЙ.