Жылыойда бір үйден екі бала наркологиялық есепте тұр

Жылыойда бір үйден екі бала наркологиялық есепте тұр

​ ​ «Бұл туралы бүгін Атырау облысы әкімінің орынбасары Бақытгүл Хаменованың төрағалығымен өткен кәмелетке толмағандардың істері және олардың құқықтарын қорғау жөніндегі облыстық комиссия отырысында айтылды», - деп хабарлайды облыстық Білім беру басқармасының баспасөз қызметі.

Жылыой ауданы әкімінің орынбасары Әнуар Шәкіровтің мәліметінше, қазіргі уақытта Жылыой ауданы бойынша полиция есебіне 9 кәмелетке толмағандар алынған.

«Олардың 4-і жалпы орта білім беретін мектеп оқушылары болса, 5-і арнаулы және жоғары білім беретін ұйымдардың студенттері.​ Сонымен қатар, 4 жалпы орта білім беретін мектеп оқушыларының 3-і «психотроптық және адамның психикалық және дене функциялары мен мінез құлқына теріс әсер беретін өзге де күшті әсер ететін заттарды теріс пайдаланатын кәмелетке толмаған» санатымен есепке қойылды», - деді Жылыой ауданы әкімінің орынбасары Әнуар Шәкіров.

Осы ретте Атырау облысы әкімінің орынбасары Бақытгүл Хаменова Жылыой ауданында наркологиялық есепте бір үйден екі баланың тұруын сынға алып, аудан басшылығына тиісті жұмыстар атқарылуын тапсырды.

«Есепте тұрған балалардың болашағына біз жауаптымыз. Олардың жақсы тәрбие алып, өмірде өз орындарын табуына тікелей ықпал етуіміз керек. Салаға жауапты мамандар әр балаға тұлға ретінде қарауы тиіс» деп атап өтті Бақытгүл Хаменова.​

Бүгінде облыстық​ психикалық​ денсаулық орталығында психиатриялық есепте тұрған науқастар үшін 145 төсек-орын бар. Оның ішінде наркологиялық патологиясы бар кәмелетке толмағандар үшін 5 төсек-орын жасақталған. Бұл туралы облыстық Денсаулық сақтау басқармасының басшысы Асхан Байдуәлиев баяндады.

Балалардың ұшпа қосылыстарды қолдануы бойынша қазіргі уақытта кәмелетке толмаған үш құлсарылық тіркеуге алынды. Барлық балаларға нарколог маман тексеріс жүргізуде, - деді басқарма басшысы.

Айта кетерлігі, Атырау қаласында балалар ойын алаңдарының саны артты. Атырау қаласы әкімінің орынбасары Самат Ембергеннің мәліметінше, қала тұрғындарының, ПИК ​ және облыстық, қалалық мәслихат депутаттарының ұсыныстарына байланысты, ​ облыс орталығының 5 көп қабатты тұрғын үй аумағына абаттандыру жұмыстары жүргізілген.

«Аталған жоба негізінде 6 аяқдоп алаңы, 11 балалар ойын алаңы, 8 спорттық-жаттығу алаңы және 24 ересектер отыратын алаң орнату қарастырылып, тозығы жеткен бір аяқдоп алаңы мен үш балалар ойын алаңы ауыстырылды. Биыл 100 балалар ойын алаңын ағымдық жөндеу жұмыстарына жергілікті бюджеттен қаражат бөлініп, мердігер мекеме анықтау мақсатында ашық конкурс жарияланған болатын. Алайда, пандемияның бірінші толқынында жарияланған төтенше жағдайға байланысты құрылыс жұмыстарындағы қиындықтар салдарынан​ қаражат бюджетке кері ​ қайтарылды, - деп нақтылады Самат Емберген. ​

Жиын соңында облыс әкімінің орынбасары жауапты органдарға​ балалардың білім беру ортасындағы психологиялық қауіпсіздігін арттыруға, салауатты өмір салтын сақтауға, кәмелетке толмағандар арасында құқық бұзушылықтың алдын алуға бағытталған бірқатар тапсырма берді.

Облыстық білім беру басқармасының

баспасөз қызметі.

podpiska_kaz

COVID 19

covid

Тәуелсіздікке 30 жыл

tuelszdkke-30-zhyl

logo1

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

 

Яндекс.Метрика