Жылыой ауданында карантин режимі ұзартылды

Жылыой ауданында карантиндік режимді ұзарту туралы Мен, Жылыой ауданының Бас мемлекеттік санитариялық дәрігері Хабибуллин Талғат Әділбекұлы Қазақстан Республикасының «Халық денсаулығы және денсаулық сақтау жүйесі туралы» Кодексінің 21-бабы 13-тармағының 4-тармақшасына және 148-бабының 1-тармағына және коронавирустық инфекцияның таралуының алдын алу мақсатында ҚАУЛЫ ЕТЕМІН:

1. Жылыой ауданында эпидемиологиялық жағдай толық тұрақтанға дейін карантин режимі және шектеу шаралары 2020 жылдың 15 шілдесіне дейін ұзартылсын.

2. Сағат 23:00-ден 06: 00-ге дейін Жылыой ауданында жергілікті атқарушы, құқық қорғау органдарының, жедел және шұғыл медициналық қызмет көрсету қызметкерлері, мемлекеттік медициналық мекемелер, санитарлық-эпидемиологиялық қызмет, өрт сөндіру, авариялық-құтқару және авариялық-техникалық қызметтер, сондай-ақ стратегиялық маңыздағы нысандарға өндірістік қызмет көрсететін және өмірді қамтамасыз ету нысандары қызметкерлердін қоспағанда азаматтар мен көліктердің қозғалысына толықтай тыйым салынады;

3. Сағат 06:00 және 23:00 аралығында санитарлық-эпидемиологиялық талаптарды сақтай отырып, міндетті түрде бетперде тағып, 1,5-2 метр ара қашықтықты сақтап, азаматтарға тұрғылықты жерінен шығуға, жүруіне рұқсат берілсін;

Азаматтардың қозғалысы жұмысқа баруға, азық-түлік, дәрі-дәрмек, бірінші қажеттіліктегі заттарды, рұқсат берілген қызмет түрлерін алуға (тұрғылықты жеріне жақын маңдағы), шұғыл жағдайлар бойынша дәрігерлік көмек алуға байланысты қозғалысына, азаматтарға қызметтік, жеке, қоғамдық көлікпен жүруіне рұқсат берілсін;

4. Күшейтілген санитарлық-дезинфекциялық шараларды сақтай отырып, төмендегі кәсіпорындар мен мекемелерге жұмыс істеуге рұқсат етілсін:

1) жиналыстарды, кеңестерді, семинарларды, конференцияларды селекторлық режимде және бейнеконференцбайланыспен өткізу арқылы мемлекеттік органдар мен квазимемлекеттік сектор ұйымдары қызметкерлерінің 80%-ын "қашықтықтан" жұмыс жасау формасына ауыстыру;

2) өндірістік кәсіпорындар, ҚР БМСД 25.06.2020 жылғы №43 қаулысының №25 және 28 қосымшаларына сәйкес;

3) құрылыс саласы, жол құрылыс саласы компаниялары, ірі құрылыс дүкендері, ҚР БМСД 25.06.2020 жылғы №43 қаулысының №25 және 28 қосымшаларына сәйкес;

4) транспорт, қойма, ауылшаруашылығы бағытындағы сервистік компаниялар ҚР БМСД 25.06.2020 жылғы №43 қаулысының №25 және 28 қосымшаларына сәйкес;

5) азық-түлік базарлары, гипермаркеттер, супермаркеттер және ірі азық-түлік дүкендері, сауда орталығындағы азық-түлік дүкендері, бірінші қажеттіліктегі тауарлар мен азық-түлік сатушыларға сағат 09.00-ден 18.00-ге дейін жұмыс істеуге рұқсат етіледі. Көп пәтерлі тұрғын үйлерде және тұрғын үй массивтерінде орналасқан дүкендерге сағат 06.00-ден 22.00-ге дейін жұмыс жасауға рұқсат етіледі, ҚР БМСД 25.06.2020 жылғы №43 қаулысының №5 қосымшасына сәйкес;

6) Азық-түлік емес базарлары және дүкендері 10.00-ден 17.00-ге дейін;

7) Автокөліктерді техникалық байқаудан өткізу орталықтары, микроқаржылық ұйымдар, ломбард, нотариалдық және адвокаттық қызмет және мүліктік агенттіктердің қызметі 09.00-ден 17.00-ге дейін;

8) өзімен бірге алып кету және жеткізу қызметімен қоғамдық тамақтану нысандарының жұмыс режимі 09.00-дан 22:00 сағатқа дейін, ҚР БМСД 25.06.2020 жылғы №43 қаулысының №22 қосымшасына сәйкес;

9) тек қана бизнеске қызмет көрсету үшін Халыққа қызмет көрсету орталығы бөлімшелері;

10) ауылшаруашылығы техникасы, инвентарь, тыңайтқыш және тұқым дүкендері, ҚР БМСД 25.06.2020 жылғы №43 қаулысының №13 қосымшасына сәйкес;

11) шаштараздар, сұлулық салондары барлық қызмет түрлері алдын алу жазылу бойынша сағат 10.00-ден 19.00-ге дейін, ҚР БМСД 25.06.2020 жылғы №43 қаулысының №7 қосымшасына сәйкес;

12) көлік жуу, тегершік жасау, көлік жөндеу орындары (көлік жуу және көлік жөндеу орындары адамдардың көліктерін қабылдап алып қалу тәсілімен) 09.00-дан 22:00 сағатқа дейін, ҚР БМСД 25.06.2020 жылғы №43 қаулысының №6 қосымшасына сәйкес ;

13) тұрмыстық және оргтехника жөндеу орталықтары (алып кету және жеткізу қағидасымен) 09.00-дан 17:00 сағатқа дейін;

14) Екінші деңгейлік банк филиалдары, пошта байланыс қызметі және жеке нотариустар жұмыс уақыты 09.00-ден 17.00-ге дейін кезекпен қабылдауды ұйымдастыру кезінде банкоматтар мен кассаларда және сату – сатып алу алаңдарында 3 адамды ғана обьектіге кіргізуге және кезекке тұрған кезде 2 метр әлеуметтік дистанциялық ара қашықтықты сақтауды және санитариялық – дезинфекциялық шаралардың өткізілуін қамтамасыз етсін;

14.1. Екінші деңгейлік банктер және «Қазпошта» АҚ филиалы тұрғындарды жұмыс сағатында үздіксіз қолма – қол ақшамен, оның ішінде банкоматтарды қолма – қол ақшамен толтырып отыруды және жұмысын үздіксіз қамтамасыз етсін;

5. Жылыой ауданы әкімдігіне:

1) Қала, кент, ауылдық округтерге қатынайтын 06.00-ден 22.00 сағат аралығында қоғамдық көліктік жұмысы жалғастырылсын, ҚР БМСД 25.06.2020 жылғы №43 қаулысының №15 қосымшасына сәйкес;

2) меншік нысанына қарамастан барлық мектепке дейінгі балалар ұйымдарының қызметіне тыйым салынсын;

3) қала сыртындағы сауықтыру орталықтарының және мектеп жанындағы лагерьлердің қызметіне тыйым салынсын;

6. Құлсары қаласы және кент, округ әкімдіктеріне:

1) Эпидемиологиялық ахуалға қарсы шаралардың орындалуын бақылау және мониторинг жасау жұмысына тартылған мобильдік топтардың рұқсат берілген нысандардағы кемшіліктер туралы бұқаралық ақпарат құралдарында ақпарат тарату жұмысы ұйымдастырылсын.

2) 25.06.2020 жылғы №43 ҚР БМСДҚ №23 қосымшасына сәйкес қоғамдық және адамдар көп шоғырланатын орындарда дезинфекциялық шараларды жүргізу;

7. Құлсары стансасы мен теміржол вокзалының басшыларына: Құлсары станциясының вокзалы арқылы темір жол көлігіне жолаушыларды отырғызуға және темір жол көлігінен түсіруге тыйым салынады мыналарды қоспағанда:

1) Теміржол көлігінде сырқаттанған адамға шұғыл медициналық көмек көрсету қажет болғанда;

2) Азаматтардың жарияланған карантиндегі аймақтар/аудандардың территориясына кіруі мен шығуы медициналық көрсетілімдері негізіндегі екіден көп емес адамның ілесуімен келуі төмендегі құжаттар болған жағдайда рұқсат етіледі: -аумақтық амбулаторлық – поликлиникалық мекеменің диагноз бен емдеудің жедел өткізілу қажеттілігін растайтын дәрігерлік –кеңесшілік комиссияның Қазақстан Республикасы Денсаулық сақтау министрі міндетін атқарушының 2010 жылдың 23 қарашасындағы «Денсаулық сақтау мекемелерінің алғашқы медициналық құжаттама үлгілерін бекіту туралы» №907 бұйрығымен бекітілген 035-1/у үлгісіне сәйкес қорытындысы. - карантиндік аймақта орналасқан медициналық мекеменің бірінші басшысының қолы қойылып, елтаңбалы мөрі бар диагнозбен жеделділікті дәлелдейтін шақыру хаты;

8. Кәсіпкерлік нысандардың жұмысын қайта іске қосуға төмендегі санитарлық-эпидемиологиялық талаптарды сақтаған жағдайда ғана рұқсат беріледі:

1) технологиялық процесс және қызмет көрсету процесіне тікелей қатынаспайтын қызметкерлерді қашықтықтан жұмыс режиміне максималды түрде ауыстыру;

2) нысанға бөгде тұлғаның кіру мүмкіндігін болдырмау үшін сақтық шараларын күшейту;

3) қызметкерлерді жұмысқа қосар алдында респираторлы аурулар симптомдарының бар-жоғын тексеру. Яғни, коронавирус инфекциясы болуы мүмкін (құрғақ жөтел, жоғары дене қызуы, тыныс алудың ауырлауы, ауа жетіспеуі және т.б.) ЖРВИ, тұмау белгілері бар қызметкерлердің жұмысқа шығуына жол бермеу. Дереу оқшаулап, жедел жәрдем қызметін шақыру.

4) орта және ірі кәсіпорындарда медициналық пункттердің міндетті түрде болуы, кәсіпорында әр ауысымды қабылдап алып, тапсырғаннан кейінгі аралықта қызметкерлерді тексеру үшін медициналық персоналдың міндетті түрде жұмыс орнында болуы;

5) қызметкерлер арасында жеке және қоғамдық гигиена талаптарын сақтау, бақылау бойынша нұсқау жүргізу;

6) уақытылы ауыстыру талаптарын сақтай отырып, жұмыс орнында қорғаныс бетперделері мен респираторларды қолдану;

7) жұмыс орындарында антисептиктер, жеке қорғаныс құралдарының азаймайтын қорының, әрбір нысанда дезинфекциялау, жуғыш заттар мен антисептикалық заттардың болуы; (орта және ірі кәсіпорындарда: нұсқама, қорғаныс құралдарын уақытылы ауыстыру, дезинфекциялау, жуғыш және антисептикалық заттардың қажетті қорын қамтамасыз ету және қадағалау, нұсқаманы орындау мерзімділігі бойынша журнал жүргізу, қорғаныс құралдарын ауыстыру және дезинфекциялық құралдар қорын толықтыру үшін жауапты тұлғаны бекіту);

8) нысанда жанаспай жұмыс жасауды енгізу үшін технологиялық процестерді автоматтандыруды барынша пайдалану;

9) тұрақты жұмыс орындарының арасында 2 метрден кем емес арақашықтықтың болуы;

10) қызметкерлер тығыз шоғырларланатын аумақтардың жұмысын шектеу (жұмыс процесі технологиясын мүмкіндігінше қайта қарастыру);

11) өндірістік және тұрмыстық үй-жайларды вирулицидтік әсері бар құралдармен дезинфекциялау арқылы, оның ішінде есік тұтқалары, сөндіргіштер, тұтқалар мен таяныштарды, жанасатын беттерді (қызметкерлердің үстелі мен орындықтары, оргтехника), жалпылама қолданыс орындарын (гардероб, тамақтану мен тынығу бөлмелері, санитарлық тораптарды) міндетті дезинфекциялаумен бір ауысымда кем дегенде 2 мәрте ылғалды жинастырып тазарту;

12) желдету жүйелері және ауаны баптау жүйелерінің тоқтаусыз жұмыс жасап тұруы, оған профилактикалық тексеру мен жөндеу жүргізіп отыру, оның ішінде фильтрлерді ауыстыру, ауа өткізгіштерді дезинфекциялауды жүзеге асырып, ауаны тазарту тәртібін қамтамасыз ету; 13) жұмыс орындарында тамақтануға тыйым салу;

9. Өнеркәсіптік кәсіпорындардың, өндіріс нысандарының оның ішінде вахталық әдіспен жұмыс істейтін мекемелердің басшыларына:

1) 25.06.2020 жылғы №43 ҚР БМСДҚ №25 қосымшасына сәйкес вахталық әдіспен жұмыс істейтін кәсіпорындар қызметкерлерінің шығу (кіру) тәртібін қоса алғанда, өнеркәсіптік кәсіпорындар мен өндірістік нысандарда санитарлық- гигиеналық іс-шараларды күшейту.

3) Қызметкерлердің 80% - ын қашықтықтан жұмыс режиміне ауыстыру.

10. Жылыой аудандық Полиция бөлімі қамтамасыз етсін:

1) Жылыой ауданының карантиндік аймағының ішіндегі бақылау-өткізу пункттерінде (блок-пост) санитарлық-бақылау жұмыстары жалғастырылсын.

2) COVID-19 бойынша карантиндік, провизорлық және инфекциялық стационарларды күзету;

3) Атырау облысы аумағында карантиндік шектеу шараларын бұзушыларға қатысты әкімшілік шараларды қолдану және бұқаралық ақпарат құралдарында жариялау;

4) отбасылық, еске алу шараларды (банкеттер, үйлену тойлары, мерейтойлар, ас берулер) үйде өткізуге жол бермеу;

5) жауапты мемлекеттік органдармен бірлесіп, мониторингтік топтардың құрамында карантиндік шектеу шараларының бұзылуының алдын алу және жолын кесу бойынша жұмыстарды жүргізсін.

11. Аудандық мәдениет және тілдерді дамыту, ішкі саясат бөлімі басшыларына, округ, кент әкімдерімен бірлесіп:

1) Коронавирус инфекциясының алдын алу бойынша аудан аумағында карантин және шектеу іс-шаралары режимін сақтау жөніндегі жадынамалар, хабарландырулар, инфографикалар бейнероликтер мен жүгіртпе жолдарды т.б. тарату арқылы түсіндіру жұмыстарын жүргізуді, әлеуметтік желілер арқылы таратуды қамтамасыз етсін;

12. Жоғарыда кезең-кезеңмен рұқсат етілгендер ұйымдар мен кәсіпорындарды қоспағанда,қызметтің барлық өзге түрлерінің жұмысы карантин мен шектеу шараларының кезінде тоқтатыла тұрады.

13. Эпидемиологиялық жағдай нашарлаған жағдайда карантиндік шараларды қатаңдатуға көшу құқығын өзіме қалдырамын.

14. Аталған Қаулының орындалу жұмысын бақылауды өзіме қалдырамын.

15. Аталған Қаулы қол қойылған күннен бастап күшіне енеді.

Жылыой ауданының Бас Мемлекеттік санитариялық дәрігері Т.Хабибуллин

COVID 19

covid

Тәуелсіздікке 30 жыл

tuelszdkke-30-zhyl