«Zhas project» жобасы биыл республика бойынша үшінші жыл қатарынан жүзеге асырылып келеді.

Ал біздің ауданымызға осы жылы келді. Оның ережесі бойынша бірнеше адам топтасып, әлеуметтік жоба әзірлеп, комиссия мүшелеріне ұсынады. Қорытынды бойынша, жеңімпаздарға 1 млн теңге қаражат бөлінеді. Бұл сайысқа ауданымыздан 100-ден аса жоба қатысып, оның 38-і грант ұтып алды, барлығы 127 жас осы жобамен қамтылды. Сол арқылы 1 миллион грант ұтып алған жастар 6 ай бойына халыққа тегін қызмет көрсетеді, жарты жыл 40-60 мың теңге көлемінде стипендия алып отырады. Өткен аптада осы жобаны жүргізуге бағытталған 4 күндік оқыту тренингі өтті. Оны 5 тренер өткізді. Қатысушылар тренингте команда құруды, жобаны жоспарлап, іске асыруды және басқару мен мониторингтеуді үйренді. Тренинг ойын түрінде өтті.

Тренердің бірі Алтынгүл Атабаеваның айтуы бойынша жоба 6 ай бойы қадағалауда болады. Мақсаты - жастарға жоба жүргізу барысында тәжірибесімен бөлісіп, ақыл-кеңес беру. Жастардың осы жобаларын кәсіпке айналдыруына мүмкіндік жасау. Оның ішінде оқу, мерекелер ұйымдастыратын орталықтар, өнім шығару, мал шаруашылығы, иппотерапия, тіпті балабақша да бар.

Ж.Шаңқанова