Жасұлан Көжеков дүниеден өтті

Саналы ғұмырын журналистиканың дамуына арнаған танымал журналист Жасұлан Көжеков дүниеден өтті. Қаламы жүйрік, сөзі өткір тұлға елдің мұңын мұңдап, жоғын жоқтаған журналист қай тақырыпты қаузап, жазса да айтар ойы халықпен үндес жатты. Жасұлан Ғайнешұлы 1969 жылы қазан айының 30-шы жұлдызында Құрманғазы ауданы Сүйіндік ауылында дүниеге келген. Әл Фараби атындағы Қазақ мемлекеттік Ұлттық университетін, Х.Досмұхамедов атындағы Атырау мемлекеттік университетін тәмәмдаған.

Еңбек жолын 1989 жылы Атырау облыстық телерадиокомпаниясында редактор болып бастап, кейін телекомментатор болған. Сонымен қатар, «Хабар» агенттігінің Атырау облысы бойынша меншікті тілшісі, 1999-2000 жылдары Атырау телерадиокомпаниясының басшысы болған. Кейін облыс әкімінің кеңесшісі, Атырау мұнай өңдеу зауытының баспасөз қызметінің жетекшісі болды.

Аймақтағы алғашқы «Атырауньюс.ком» сайтының және «Атырау Тудей» газетінің негізін қалаушы. Сонымен қатар, Ақжайық газетінде бірнеше жыл еңбек еткен. Өнегелі өмірінде абыройлы қызмет атқарған Жасұлан Ғайнешұлы дана да дара сөз шебері, өзінің салмақты салиқалы пікірімен қайталанбас тұлға. Әріптестері оны журналистикада аты аңызға айналған тілшілерінің бірі деп біледі.

atyrautv.kz

Жылыой аудандық "Кең Жылой" газеті ұжымы қайғылы жағдайға байланысты отбасына, туған-туыстарына көңіл айтады.

podpiska_kaz

COVID 19

covid

Тәуелсіздікке 30 жыл

tuelszdkke-30-zhyl

logo1

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

 

Яндекс.Метрика