Бірлескен істе береке болары анық
"Біз біргеміз" республикалық акциясының аясында жылыойлық кәсіпкерлер, еріктілер, белсенділер қиын-қыстау сәтте қолдан келетін көмектерін аяп жатқан жоқ. Кейбірі азық-түлік, гигиена құралдарын үлестірсе, мектеп, балабақша, кітапхана ұжымдары бетперде тігіп, оны алдымен аудандағы жалғызбасты қарттар, аз қамтылған, көпбалалы отбасыларға, қалаберді тұрғындарға жаппай тегін таратып, халықтың ықыласына бөленуде.
Ел басына күн туып, бұқара не істерге білмей дал болып жатқанда, қалтасының қамымен 5-10 артық пайда табуды ойлағандар алғыс арқалаған азаматтардан үлгі алса игі.
Жұмыла көтерген жүк жеңіл демекші, біз бірге бұл індетті де жеңеміз.
Ж.Әбдікәрімова