Құлсары қаласында жаңадан салынған сәнді, заманауи қонақүй жұмыс істей бастады.
Аудан халқын құрылыс материалдарымен қамтып отырған "Құлсары" сауда кешенінің иесі, жеке кәсіпкер Мұхамбет Ізтұрғанов осындай атпен нысан ашты. Қаламызға жан-жақтан келетін жолаушылар, меймандар аз емес. Теңіз кеніші іргесінде тұрған, алыс-жақын шетелдерден де ат арытып келгендер ағылып жататын шаһарға, алдымен, керегі -қонақүй. Кәсіпкер осыны ескерген болуы керек. Жаңа қонақүйге қонақтарын қабылдамас бұрын үлкен қарияларды шақырып, ақ батасын алды. Осы аптада қалада тағы бір кәсіпкер ірі кешенін ашады деп күтілуде.
С.ТӘЖІҚЫЗЫ.