Облыстық партия филиалының мобильді тобы Жылыой ауданына қарасты Жаңа Қаратон кентінде азаматтарды жеке мәселелері бойынша қабылдау өткізген еді. Онда қаралған мәселенің бірі - осы кенттегі дәрігерлік амбулаторияның жапсырма құрылысының жайы болды. Осыған байланысты партия филиалы жанынан құрылған партиялық бақылау комиссияныңмүшелері аяқтай барып, ғимаратқа зерделеу жұмыстарын жүргізген-ді.
Нәтижесінде амбулаторияның жаңа ғимаратының құрылысында бірқатаркемшіліктер анықталды.
-Атап айтқанда, төбені нығайту қажеттігі, жылу және желдету жүйелерін жақсарту, санитарлық тораптарды толықтай қалыпқа келтіру керектігі белгілі болды. Ғимараттың төбесіндегі - қаңылтыр жабындысының арасында ашық жерлер өте көп болып шықты. Оның үстіне, төбеге төселген бетонныңаралары да бітелмеген, майланбастан қалыпқойғаны анықталды. Жаңадан салынған болса да, терезе жақтауларының арасы ашық, ауа райының қолайсыз күндері жел азынап, топырақ ішке құйылып, бөлмені басып қалады екен. Ал әжетхана бөлмелеріндегі сантехникалық жұмыстар да сапасыз, мүгедек жандар үшін арнайы ұстатқыштар орнатылмаған.
Ол аздай, ғимарат сыртында орналасқан канализация құбыры орталық кәріз жүйесіне әлі күнге толықтай қосылмаған. Соның кесірінен құдыққа жиналған лас сұйықтықтың әрмен қарай ағып кетуге мүмкіндігі жоқ. Құдық толса, кәріздің сасыған лас суы айналасын бүлдіргелі тұр. Электр жарығы өшіп қалғанда қосылатын арнайы тоқ резервті генераторы да жоқ,-дейді «AMANAT» партиясы аудандық филиалының төрағасы Сайлаубай Таласов.
Әрине, мұндай сапасыз тұрғызылған құрылыс нысанында жарықтандыру менкөгалдандыру мәселесі жайлы сөз қозғаудың өзі артық.
Осындай ұзын-шұбақ кемшіліктерді анықтаған «амаnаттықтар» ғимараттың сапалы пайдалануға берілуі үшін алдағы уақытта осы нысанға партиялық бекет ашу жөнінде ұсыныс берді. Сөйтіп жаңа деген аты ғана бар амбулаторияның жапсарлас үйі халық қалаулыларының қырағы бақылауына алынатын болды.
Өз тілшімізден
