Зағип Дүйсәлі аға ең бірінші боп дауыс берді

Дүйсәлі Қалдыбай есімі тек Жылыой ауданына ғана емес, бүкіл республикаға танымал. Жанары көрмейтін ағамыз көркемсөз оқудың хас шебері, көңілі сергек, зерек жан. Қазақ радиосын тыңдап, ондағы түрлі сайыстарға да белсене қатысып отыратын өмірге құштар жан. Осы белсенділігін Дүйсәлі аға Қазақстан Парламенті Мәжілісі мен Мәслихаттар сайлауында да көрсете білді. # 97 сайлау усачкесіне таңғы сағат 7.00- де ұлының жетелеуімен келіп дауыс берген. Сөйтіп ең бірінші болып келген дауыс беруші ретінде сайлау учаскесі комиссиясы дайындаған сыйлыққа ие болды.