Республика бойынша ХҚКО-ның жұмыс кестесі 09.00-17.00-ге дейін қысқартылды.

Қазақстан Республикасының Президенті Қ.Тоқаев 2020 жылдың 15 наурызында «Қазақстан Республикасында Төтенше жағдай енгізу» туралы Жарлыққа қол қойған болатын. ⠀

Осы орайда Жылыой ауданы әкімдігінің ұйымдастыруымен халықтың қауіпсіздігін қамтамасыз ету негізінде «ЖылыойДезсервис» ЖШС-нің қызметкерлері Құлсары вокзалына және Халыққа қызмет көрсету орталығына (ЦОН) дезинфекция жұмыстарын жүргізуде.

Естеріңізге сала кетейік, республика бойынша ХҚКО-ның жұмыс кестесі 09.00-17.00-ге дейін қысқартылды.

ҚР Цифрлық даму, инновациялар және аэроғарыш өнеркәсібі министрлігі Халыққа қызмет көрсету орталықтарына адам көп шоғырланатындықтан, азаматтарға ХҚКО-ға аса қажет болмаса бармауға кеңес береді.

Мұндағы мақсат - азаматтардың шоғырланбауын қадағалап, жұқпалы дерттің алдын алу.

Жылыой ауданы әкімдігі