Жылыой ауданына қарасты Тұрғызба ауылының тұрғындарын эвауациялау жұмыстары басталды. Аудан әкімі ауыл тұрғындарымен кездесіп, түсіндірме жұмыстарын жүргізді.
Бірінші кезекте әйел адамдар, балалар және мүмкіндігі шектеулі жандарды эвакуациялау жұмыстары жүргізілуде.
Оларды эвакуациялауға арнайы ҚТЖ-мен пойыз вагондары қарастырылған. Сондай-ақ Ақтау қаласында және Маңғыстау облысының басқа да аудандарында эвакуациялық пункттер қарастырылған.
Тұрғызба ауылында 3518 тұрғын бар. Қазіргі таңда 430 адам эвакуацияланды. Олар ҚТЖ пойыздарымен Маңғыстауға жол тартты. Олардың 173-і бала, 15-і зейнеткер.
