Тәлімі мол кездесу

Жылыой ауданы прокуратурасының бастамасымен аудан аумағындағы колледж және мектептердің оқушылары мен ата-аналары үшін арнайы дәріс өткізілді.
Шара барысында кәмелет жасқа толмағандар арасындағы құқықбұзушылықтың себеп-салдары, оның алдын алу бойынша қабылданған шаралар, балалар арасындағы суицид және кәмелетке толмағандарға қатысты зорлық-зомбылықтың кез келген түрі үшін белгіленген жауапкершілік туралы орта, орта арнаулы оқу орындары ата-аналарымен оқушыларына құқықтық түсіндіру жұмыстары жүргізілді.
Шараға ауданға қарасты әкелер және аналар комитетінің төрағалары, сондай-ақ ауданның белсенділері және жекпе-жек спортының әлем чемпионы қатысты.