Атырау облысында демалыс күні екінші адам суға кетті

2020 жылғы 12 шілде күні сағат 13:34-те 1979 жылы туған азаматшаның Ақжар ауылы маңынан Жайық өзеніне батып кеткендігі жөнінде хабарлама түсті. Атырау облысы ТЖД Жедел құтқару жасағының 3 қызметкері мен 1 жүзу құралының күшімен 17:50 шамасында әйел адамның денесі табылып, судан шығарылды. Айта кетейік, 41 жастағы әйел адам достарымен демалыста жүріп, арнайы жабдықталмаған жерде суға батып кеткен еді.

Атырау облысы ТЖД белгісіз жерлерде шомылмауларыңызды сұрайды, себебі бұл қауіпті болуы мүмкін! Атырау облысы ТЖД баспасөз қызметі