Тәуелсіздік алған соң Қазақстанға инвестиция көздері тартылып, шетелдік компаниялармен бірлескен әріптестік жұмыстар басталды. Аса ірі Теңіз кен орнын игеруге әлемнің түкпір-түкпірінен жаңа технология және бай тәжірибелерімен бөлісуге ықылас білдіргендер көп болды. Солардың бірі –ауданымызда еңбек етіп жатқан «Консолидейтед Контрактинг Инжиниринг & Прокьюрмент С.А.Л. – Офшор» компаниясы.

ССЕР компаниясы санитарлық талаптарды сақтай отырып, Қазақстанның тәуелсіздік алғанына 30 жыл толуына орай мерекелік шарасын өткізді. Шараны кәсіподақ ұйымының төрағасы Ж.Мүсепов ашып, жүргізді.

«ССЕР» компаниясының жоба директоры Николас Стюарт компания қызметкерлерін мерекелік құттықтау үшін сөз алып, бір топ әріптестерін марапаттады. Марапат иелері де мерекелік лебіздерін білдіріп, компания басшылығына алғысын жеткізді. Шара барысында компания қызметкерлеріне Қазақстан Республикасының Тұңғыш Президенті- Елбасы Н.Ә.Назарбаев туралы деректі фильм көрсетілді. Осындай шаралар алдағы уақытта да мекеме тарапынан ұйымдастырылатын болады.