Бүгін – ХХ ғасырдың 30-жылдарында қазақ халқын мұңға бөлеп, зор қайғы әкелген саяси қуғын-сүргін және ашаршылық құрбандарын еске алу күні.
Осыған орай аудан әкімі, аудандық мәслихат төрағасы, ардагерлер кеңесінің төрағасы, қуғын-сүргін құрбандарының ұрпақтары, аудандық мешіттің бас имамы, дербес бөлім басшыларының және құқық қорғау органдары қызметкерлерінің қатысуымен саяси қуғын-сүргін және ашаршылық құрбандарын еске алуға арналған шара өтті.
Аудан басшысы шараға қатысушылармен бірге құрбандардың рухына тағзым етіп, гүл шоқтарын қойды.
Шара барысында саяси қуғын-сүргін және ашаршылық құрбандарын еске алу үшін бір минут үнсіздік жарияланып, аудандық мешіттің бас имамы зұлмат заман жылдарында бақилық болған боздақтар мен алаш арыстарына арнап құран бағыштады.
