Бүгін Құлсары қаласындағы Рәміздер алаңында Қазақстан Республикасы Мемлекеттік рәміздері күніне арналған «Елдік пен егемендіктің символы – рәміздер» атты мерекелік шара өтті. Бұл іс-шара еліміздің тәуелсіздігі мен бірлігін дәріптеп, ұлттық рухты көтеруге бағытталды.
Міне, осы салтанатты сәтте еліміздің Мемлекеттік Туы көтеріліп, Әнұранымыз алғаш рет жанды дауыста асқақтата шырқалды. Оны ҚР Мәдениет саласының үздігі Талап Балғынбаевтың дирижерлық етуімен
Жылыой халықтық ұлт-аспаптар оркестрінің сүйемелдеуінде белгілі әнші Айбек Қабыланбеков жеке дауыста орындады.
Бұл сөз жоқ, жылыойлықтардың Мемлекеттік рәміздерге деген ерекше құрметінің айқын бір көрінісі еді.
Өз тілшімізден
