Өткен жылдан бастап қаладан Құлсары Балалар өнер мектебінің құрылыс жұмыстары басталып кеткен болатын.

Құрылысты мердігер мекеме ретінде «Грантмастер» жауапкершілігі шектеулі серіктестігі жүргізіп жатыр. Тапсырыс беруші аудандық құрылыс бөлімінен білгеніміздей, күні бүгін Өнер мектебінің екінші қабаты қаланып болды. Құрылыс жұмыстарының 40-45 пайызға жуығы аяқталып келеді. Жалпы болашақ оқу ордасы 466 орындық, үш қабатты ғимарат болады деп күтілуде. Алдағы желтоқсан айында құрылыс жұмыстары толықтай аяқталып, пайдалануға берілмекші. Қазір өнер ұжымы №15 С.Қарабалин атындағы орта мектептің ескі бастауыш сыныбының ғимаратын паналап отыр. Егер үш қабатты зәулім үйге қоныс тебер болса, онда Өнер мектебі өрендерінің өрісі кеңейе түсері сөзсіз.

Е.Қошақанов.