Ауданымызда бірінші рет Наурыз мейрамы тойланған жыл есімізде.

КСРО кезінде жыл басы - Наурыз мерекесін тойлауға тыйым салынды. Сөйтіп, көптеген халық ата-бабасынан мұра боп қалған дәстүрлі Жаңа жылдарын қарсы ала алмайтын болды. Тек тәуелсіздік алған соң ғана осынау философиялық терең тағылым мен мәнге ие мерекемізді тойлауға қол жеткіздік. Ауданымызда бірінші рет Наурыз мейрамы тойланған жыл есімізде. Құрсай жағалауына жақын қазіргі үлкен стадионның орнына жағалай киіз үйлер тігіліп, автодүкендер қаз-қатар тізілген...

Алтыбақан құрылып, қазандарда наурызкөже асылып, шашу шашылып, ұлттық салт-дәстүрімізді көрсетіп, ел мәре-сәре.

Былайғы кезде киілмейтін ұлттық киімін киген мәз-майрам халық.

Сол жылдардан естелік боп қалған фотосуреттерде осынау жоғын тауып, кемтігін толтырған халықтың көңіл күйі бейнеленген.

С.Тәжіқызы