«Кең Жылыой» мәдениет үйінде Мемлекеттік қызметшілер күніне арналған салтанатты шара өтті.
Аудан әкімі Азамат Бекет мемлекеттік қызметшілерді кәсіби мерекемен құттықтап, облыс әкімі Нұрлан Ноғаевтың алғысхатымен Зинат Тұрсыналиева мен Оңалсын Балғабаеваны марапаттады. Сонымен қатар Р.Мақтаубаева, Ш.Тауманова, Б.Дюшимова, Ж.Тасқынбаева, Е.Ысмағұл, М.Оңғарова, Г.Таңатарова, Н.Кайбуллина, Ж.Дүсіпова, Қ.Мыңбаев пен А.Төлешовалар аудан әкімінің алғысхатына ие болды.
Сахна төріне көтерілген мәслихат хатшысы Мұхтар Кенғанов мемлекеттік қызметшілерді мерекемен құттықтап, ел игілігі жолындағы жұмыстарына сәттілік тіледі.
Ол аудандық мәслихаттың алғысхатымен Қ.Адиновты, А.Селбаева мен Г.Нұрышеваны марапаттады. Мерекелік шара аудан өнерпаздарының концерттік бағдарламасымен аяқталды.
Ж.Шаңқанова
