Бүгін — Қазақстан Республикасының мемлекеттік рәміздері күні. 1992 жылғы маусымның 4-де Тәуелсіз Қазақстанның жаңа мемлекеттік рәміздері алғаш рет бекітілді.
Бұл күн ел тарихында жаңа мемлекеттік рәміздер күні ретінде мәңгі есте сақталады. Мемлекеттік рәміздер — мемлекеттің мызғымас негіздерінің бірі. Мемлекеттік Ту, Мемлекеттік Елтаңба және Мемлекеттік Әнұран мемлекеттің негізгі рәміздері саналады. Осыған орай, орталық алаңдағы Рәміздер алаңында салтанатты шара өтті. Оған аудан жұртышылығы қатысты. Алдымен әнұран шырқалып, көк ту көкке көтерілді. Бұдан соң Құлсары қаласы әкімі Қаржау Шарғабаев құттықтау тілегін жеткізді. Өнерпаздар патриоттық әндер орындап, оқушылар баяндама жасады.
П.Шымырбай
Суретке түсірген: А.Долыбекова
