Өткен аптада Майкөмген ауылдық округінің әкімі Нұржарық Сауытов ауылдың әлеуметтік-экономикалық дамуы туралы есебін берді.

Ол есебінде: «Округте 2018 жылы 65 адам жұмысқа орналасты. Кемпинг, 2 шайхана, 12 шаруа қожалығы, дәрігерлік амбулатория жұмыс жасайды. Ауылда жаңа мектеп ғимаратын салу үшін құжаттарын «ЭдемСтрой» ЖШС-ға жасақтап, сараптамаға ұсынды. Ауылішілік тасжол салу жобалау-сметалық құжаттары жасақталды. Сонымен қатар мәдениет үйі, өрт сөндіру депосы, көше жарығы, кіші аяқдоп алаңы, «Жеңіс» саябағы мен 6 га жерге сексеуіл егу жұмыстары жоспарланған», - дейді.

Ауыл тұрғындары округ әкімінің жасаған жұмыстарына риза екендіктерін айтты.

Аудан әкімі Азамат Бекет ауылдағы мәселелердің алдағы уақытта шешілетінін айтты. «Мектеп салынатын болады. Мәдениет үйін салуға құжаттары тапсырылып, тендерлік конкурс өтуде», - деді. «Учаскелік полиция қызметкеріне үй берілді ме?» деген сұрақ қойылды. Бұл мәселе әлі шешілмеген. Сондықтан аудан әкімі осы жылға сұраныс беріңіздер деген тапсырма берді.

Ж.Шаңқанова.