800-ге жуық қарт және мүмкіндігі шектеулі сайлаушылар үйден дауыс берді, деп хабарлайды Атырау облысының Өңірлік коммуникациялар қызметі.
Лариса Буканова 1-ші топ мүгедегі. Ол денсаулық жағдайына байланысты үйден дауыс беру үшін №43 сайлау учаскесіне өтінім берген.
- Бүгін еліміз үшін маңызды күн. Менің денсаулық жағдайымды ескеріп, үйге келгендеріңіз үшін алғыс білдіремін. Еліміз аман, жұртымыз тыныш болсын, деді ол.
Лариса Буканова өз таңдауын жасаған соң, комиссия мүшелері сайлаушыға естелік сыйлық табыс етті.
