Құм бораннан сексеуіл ғана қорғайды

Кездесу барысында алғашқы болып сөз алған Майкөмген округі әкімі Нұржарық Сауытов ауыл ішінде атқарылып жатқан жұмыстарға тоқтала келіп, теміржол бағытындағы үш шақырым жол және жаңа мектептің сметалық жобасы сараптамадан өткеннен кейін құрылысын жүргізу үшін қаражат көзін қарау жөніндегі ұсынысын жеткізді. Сондай-ақ әкім ауылда құм борасынынан қорғау үшін 6 га жер теліміне сексеуіл егу үшін сметалық жобасын жасақтауға қаражат қарау және тұрақты полиция мен дәрігер кадрлер мәселесін шешу, болашақта жолдарды күрделі жөндеуден өткізу,ауылды түгел жарықтандыру жайына тоқталып, бұған депутаттың назарын аударды. Ал жергілікті тұрғындар Ж.Әбікенов, А.Жұмабаева, С.Көптілеуов Теңіз кенішіне жастарды жұмысқа алуды 23 жастан емес, 20-21 жастан алса деген тілегін қоса жеткізді. Бұл күні депутат Мейрамбай Базарбай мекеме атынан көпбалалы ана К.Илбисиноваға баласының колледждегі бір жылдық оқу ақысын төлеп беруге көмек көрсетті.

Сайлаушыларымен кездесу барысында Мейрамбай Базарбай айтылған ұсыныс-пікірлерді Жылыой ауданы әкімшілігі мен облыстық Мәслихат сессиясында мәселе көтеретіндігі жөнінде уәде етті.

А.ЖАЛҒАСБАЙҚЫЗЫ.

COVID 19

covid

Тәуелсіздікке 30 жыл

tuelszdkke-30-zhyl