Аудан тұрғындары мен қонақтары назарына!

Жылыой ауданының Бас мемлекеттік санитариялық дәрігерінің Жылыой ауданында шектеу режимді қамтамасыз ету жөніндегі Қаулысымен белгіленген карантиндік режим Жылыой ауданында 2020 жылдың 18 маусымы мен 2 шілде аралығында сақталады.

Осыған орай Маңғыстау облысынан шығатын Маңғыстау-Ақтөбе және Маңғыстау-Нұр-Сұлтан бағытындағы жолаушылар пойызына Жылыой ауданының теміржол вокзалынан жолаушыларды түсіру, мінгізу медициналық-емдеу орталықтарының шақырту қағазымен отырғызылып, түсірілетіні хабарланады.

Сол себепті, аудан тұрғындары 2 шілдеге дейін алынған жол жүру билеттерін қайта тапсыру қажет. Билеттер кері тапсырылған жағдайда, 100 пайыз ақша кері қайтарылады.

Жылыой аудандық жедел штабы.