Әлеуметтік желі арқылы тікелей эфирге шыққан Қосшағыл ауылдық округінің әкімі Жанғазы Еркінов ауылға көше жарығы құрылысы қаңтар айында басталғанын хабарлады. Оның айтуынша, қазіргі таңда көше жарығына арналған 1341 бағана қондырылып, электр жүйесі тартылған.
-Қосшағыл ауылішілік 2,7 шақырым автомобильдер жолдарын қайта жаңғырту жұмыстарына қаражат бөлінді. Тапсырыс беруші – аудандық жолаушылар көлігі және автомобиль жолдары бөлімі. Мердігер мекеме - «Казкомсервис» ЖШС, құрылыс жұмыстарын 2024 жылы аяқтауды жоспарлады,-деді ол.
Сондай-ақ ауыл әкімі Қосшағылдағы зираттарды қоршау жобасы бойынша атқарылған жұмыстарды да атап өтті. Биыл «Ашығалы ата», «Ізекен ата» қауымдары толықтай қоршалса, «Көшмағанбет ата» қауымын қоршау жұмыстары аяқталуға жақын.
–Ауылдық округтегі №2 жалпы орта білім беретін мектеп жанына спорттық алаң салу жобасы жасақталды. Мердігер мекеме - «Орлан» ЖШС мекемесі. Құрылыс жұмыстары биыл басталып, баскетбол, волейбол, кіші аяқ доп, спорттық алаңдары жасалды. Жұмыстар желтоқсан айында аяқталады,-деді атқарылған жұмыстар туралы ауыл әкімі.
П.ТӘЖІ
