Қазір жасыратыны жоқ, Құлсарының орталық көшелерінің өзінде төрт түлік өріп жүреді. Бұл, әрине, қала деген атымызға сын екені анық. Мал иелерінің жауапсыздығы салдарынан үй жануарлары көшені бүлдіріп қана қоймай, жасыл желектерді отап та кетіп жатыр.
Жақында, яғни қараша айының 18-інде басталған республикалық “Мал ұрысы” жедел профилактикалық іс шарасы осындай жауапсыз тұрғындарды жауапқа тартты. Онда әкімшілік аумақ тұрғындары өздерінің иелігіндегі сиырларын қараусыз қала ішіне қоя бергені үшін Қазақстан Республикасы Әкімшілік құқық бұзушылық туралы кодексінің 408-бабымен жауапқа тартылып, «Ауыл шаруашылығы жануарларын жаю қағидаларын бұзғаны» үшін үстінен әкімшілік хаттама толтырылды.
Өз тілшімізден
