Құлсары қаласының "Атырау" ықшам ауданының барлық көшелеріне жыл соңына дейін асфальт салынады

«Атырау» ықшам ауданына жол салу жұмыстары 2021 жылдың тамыз айында басталған болатын. Алайда, құрылыс материалдарының қымбаттауына байланысты жобаға түзету жұмыстарын енгізу қажет болды. Жаңартылған жобамен жол салу жұмыстары биыл мамыр айында басталып отыр, деп хабарлайды Жылыой ауданы әкімдігінің баспасөз қызметі.

Аталған ықшам ауданның 24 көшесіне 22,1 шақырым жол және тротуар салынатын болады. Бұл жұмыстарды «АтырауИнжСтрой-АИС» мекемесі жасауда. Жоба құны 7,2 мрлд теңгені құрайды. Құрылыс жұмыстары жыл соңына дейін аяқталады деп күтілуде.

-Қазіргі таңда 22 көшенің жері толықтай тегістеліп, құм қиыршық тас, қиыршық тас жабындылары және бір көшеге асфальт жабындының бірінші қабаты төселді,- деді аудандық тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімінің басшысы Ержан Хайноллаев.

Айта кетейік, «Атырау» ықшам ауданында 400-ге жуық тұрғын үй болса, тұрғындар саны мыңнан астам.

ФОТОГАЛЕРЕЯ

ЖАҚСЫ КІТАП - ЖАН АЗЫҒЫ

AqPrint

Байланыс номерi :     +7 702 132 03 32      +77122458521

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

Әлеуметтік желілеріміз