ken-zhyloi.kz
Соңғы аптада өңірдегі 732 жұмыссыз адамнан коронавирус инфекциясы анықталған, деп хабарлайды Атырау облыстық өңірлік коммуникациялар қызметі.
Бұл туралы Атырау облысының Бас мемлекеттік санитариялық дәрігері Мәдениет Танауов өңір басшысы Махамбет Досмұхамбетовтің төрағалығымен өткен кеңесте мәлімдеді.
2021 жылдың 25 маусымынан бастап өңірде ауырғандар санының артуы байқалады. 1-21 шілде аралығында 5082 жағдай тіркелген. Қауіпті індеттің жұғу көздері адамдар көп жиналатын орындар болып тұр.
Атап айтқанда, олардың тең жартысы түнгі клубта, той, еске алу іс-шаралары мен сауда үйлері, базарлар, сондай-ақ қоғамдық тамақтану орындарынан коронавирусты жұқтырған болса, 23,8% науқаспен жақын қарым-қатынаста болғандар. Ал 17,7% қоғамдық көліктермен жүру кезінде жұқтырғаны анықталған. Вирус жұқтырғандардың көбі жұмыссыз адамдар мен зейнеткерлер, – деді Мәдениет Танауов.
atr.kz
