Қиғаш ауылдық округінде орналасқан №183 сайлау учаскесінде 776 сайлаушы тіркелген. Учаскелік сайлау комиссиясының төрайымы Ақжібек Жұмағұлованың айтуынша, сайлауға таңертең бірінші болып Қиғаш жалпы орта мектебінің мұғалімі Батырбаева Анария келіп дауыс берген.
Сағат 10-ға дейін 200-ге жуық адам өз таңдауын жасаса, түскі сағат 13:00-ге дейін 450-ден астам сайлаушы дауыс беріп үлгерген. Солардың қатарында ең жасы үлкен сайлаушы, зейнеткер, 79 жастағы Нугаева Фаузия өзгелерге үлгі көрсетіп, алғашқылардың бірі болып, аяқтай келіп, өз таңдауын жасап кетті.
