Демалыс кезіндегі бақылау

Оқушылардың көптен күткен жазғы демалыстары да басталды.

Оқушылардың көптен күткен жазғы демалыстары да басталды. Бірақ демалыс басталды екен деп, мектеп жасындағы балалар мен жасөспірімдерді өз бетінше жіберуге болмайды.

Әр баланың жазғы демалысының қауіпсіздігіне ата-аналар жауапты. Жаз мезгілінде балалар тап болатын көптеген төтенше жағдайлар ата-аналардың бақылауының аздығынан болады. Мектеп жасындағы балалар оқу жылы аяқталысымен табиғатқа, саяхаттарға топпен шығуды дәстүрге айналдырған. Осы кезде олар от жағады, түрлі отшашулар ұйымдастырады, ойындар ойнайды. Міне, осы жағдайда өрт қауіпсіздігі ережесін сақтау, қоршаған ортада залал келтірмеу тәрізді маңызды жайттар ескертілмей қалады.

Ата-аналарынан жиі қадағалап, барынша бақылауда ұстауын сұраймыз. «Өрт пен су – тілсіз жау» деп тегін айтылмаса керек, қалай және қайдан келері белгісіз. Сондықтан ауданның әрбір тұрғыны қайбір жерде де қауіпсіздік сақтап, аман болсын деген ниетпен ескертеміз.

Н.ОРЫСБАЕВ,

Жаңа Қаратон кенті №9 ӨСБ-нің қарауыл бастығы, а/қ лейтенанты

Сурет: ашық дереккөз

ФОТОГАЛЕРЕЯ

Біріңғай мемлекеттік байланыс

AqPrint

Байланыс номерi :     +7 702 132 03 32      +77122458521