№7 мектепте Атырау облысының Төтенше жағдайлар департаментінің «Өрт сөндіру және авариялық-құтқару жұмыстары қызметі» ММ Кәсіби дайындық мектебінің жұмыс жоспарына сәйкес теориялық және тәжірибелік сабақ өтті.
Мақсаты - жергілікті атқарушы органдарға көмек көрсету, ерікті өрт сөндіру құралымдарына өрт қауіпті маусымы кезінде іс-қимылдарын пысықтау, білімдерін арттыру. Оған кәсіби дайындық мектебінің педагогикалық құрамы, ауылдық округтерде құрылған ерікті өрт сөндіру құралымдарының мүшелері, жергілікті атқарушы органдар өкілдері және Төтенше жағдайлар гарнизонының қызметкерлері қатысты. Сабақ кезінде орман немесе дала өрттері кезінде ерікті өрт сөндірушілерді жинау тәртібі мен оларды өрт орнына жеткізу тәсілі тәжірибе жүзінде көрсетілді. Өртті сөндірудің тактикалық және таралу қаупін болдырмау тәсілдері, қауіпсіздік ережелері түсіндірілді.
Қ.Дүйсенбетов.
