Құлсары қаласындағы «Жастар үйі» ғимаратында кәсіпкерлер мен жеке тұлғаларға арналған «Бизнес негіздері» курсы өткізілді. Екі күнге созылған курс «Теңізшевройл» компаниясының қолдауымен, «Petrocouncil» ЗТБ мекемесінің ұйымдастыруымен жүзеге асқан болатын.

Тренинг барысында қатысушыларға өз кәсібін ашудың қыр-сыры түсіндірілді. Сонымен қатар, жеке тұлғаларға «тәлімгерлер бизнес идеясын» тыңдау, бизнес-жоспар құру жолдары, қаржыландыру көздері, сондай-ақ, ЖК және ЖШС туралы мәліметтер айтылды.

Ал кәсіпкерлерге «кәсіпкерлік психологиясы», маркетинг, кәсіпкерлік қызмет түрлері және салық мәселесіне қатысты көптеген ақпараттар берілді.
Жеке тұлғаларға арналған курстар мен кәсіпкерге арналған сабақтар бөлек-бөлек, алдын ала белгіленген даталафрда ұйымдастырылып, іске асты. Аталған сабақтарға 26 жеке тұлға және 33 кәсіпкер қатысты.

Ш.ХАМИТОВА