АУЫЛ ШАРУАШЫЛЫҒЫНЫҢ ҮЗДІК МАМАНДАРЫ МАРАПАТТАЛДЫ
Ауыл шаруашылығы, тамақ және өңдеу өнеркәсібі қызметкерлерінің күніне орай саланың бір топ қызметкері марапатталды», деп хабарлайды Атырау облыстық коммуникациялар қызметі.
⠀ Облыс әкімінің орынбасары Әлібек Нәутиев еңбеккерлерді кәсіби мерекелерімен құттықтап, өңірде аграрлық сала барлық бағытта жүйелі дамып келе жатқанын атап өтті. ⠀
Осыдан кейін облыс әкімінің орынбасары саланың бір топ қызметкеріне ҚР Ауыл шаруашылығы министрінің арнайы төсбелгісін, Атырау облысы әкімінің Алғыс хатын, «Ауыл шаруашылығы салаларының үздігі-2020» номинациясын, Атырау облыстық мәслихатының Алғыс хатын табыс етті.
Сондай-ақ тағы бір топ азамат Ардагерлер кеңесінің құрмет грамотасымен, «Социалистік Еңбек Ері» Сақан Даулетқалиев атындағы «Үздік шопан» жүлдесімен, Атырау облысы Ауыл шаруашылығы басқармасының Алғыс хатымен марапатталды. ⠀
Айта кетейік, биыл өңірде ауыл шаруашылығы өнімдері 101% өндірілген.
Атырау облыстық
коммуникациялар қызметі
