2023 жылғы I тоқсанда Қазақстанда атаулы жалақының орташа мәні 340 636 теңгені құрады. 2022 жылдың тиісті тоқсанына қарағанда өсім – 19,3%, нақты мәнде 0,6% төмендеді, деп хабарлайды ҚазАқпарат Ұлттық статистика бюросына сілтеме жасап.

Медиандық жалақы(жалақы қатарының орталық деңгейі) І тоқсанда 225 736 теңгені құрады.

Өткен жылдың І тоқсанымен салыстырғанда орташа айлық жалақының ең жоғар өсімі құрылыста – 34,5%, ақпарат және байланыста– 30,3%, тұру және тамақтану бойынша қызмет көрсетуде 29,2% байқалды. Ал нақты орташа айлық жалақының төмендеуі бір жылда 8,6% өзге қызметтерді көрсету саласында тіркелді.