Аудандық жұмыспен қамту, әлеуметтік бағдарламалар және азаматтық хал актілерін тіркеу бөліміне қарасты жалғызбасты қарттар мен мүмкіндігі шектеулі балаларға әлеуметтік қызмет көрсету орталығында "Ынтымақ" қоғамдық бірлестігінің ұйымдастыруымен жаңажылдық шырша өтті.
Онда аудандағы мүгедек, аз қамтылған 35 балаға киім-кешек пен жаңажылдық тәттілер таратылды.
Сондай-ақ іргеміздегі алып Теңіз кеніші де балаларды қуанышқа бөледі. Теңізшевройл Келешек Кеңею Жобасы - Ұңғы ернеуіндегі қысымды басқару жобасы ұжымы көпбалалы, аз қамтылған, мүгедек 210 балаға киім-кешек және түрлі сыйлықтар алып берді. Ал "КОНСОЛИДЕЙТЕД КОНТРАКТОРС ИНЖИНИРИНГ ПРОКЬЮРИМЕНТ" мекемесі 20 отбасыға азық-түлік алып берді. «AGI-CDCS» Kazakhstan JV, «Юникстрой» компаниялары «Аружан» мейрамханасына шырша кешін ұйымдастырып, балаларға сыйлықтар таратты. Бөлім басшысы С.Камидолла ұсыныстарын қабылдап, қолдау көрсеткендері үшін барлығына ризашылығын білдіріп, еңбектеріне табыс тіледі.
П.ШЫМЫРБАЙ.
