Интернат балаларына кеш өткізді

Қосшағыл ауылдық округі әкімі мен ауылдағы мәдениет үйінің ұйымдастыруымен №2 интернат тәрбиеленушілері мен мүмкіндігі шектеулі балаларға арналған жаңажылдық ертеңгілік өткізілді. Жаңажылдық ертеңгілік «Күлшеқыз» ертегісімен ашылды. Мерекелік кешті ауыл әкімі Саян Жұмабекұлы ашып, балаларды Жаңа жылмен құттықтап, сыйлықтар табыс етті. Сонымен қатар депутат М.Айтқұлов, Құлсары қаласы мүгедектер қоғам бірлестігі, PSK development және «Ақбаян Сервис» мекемелері де балаларды жаңа жылдарымен құттықтап, сыйлықтарын табыс етті.

Мерекелік кеште ауыл өнерпаздары А.Шабаева, Ф.Рамазанова, А.Қоянақова т.б. өнерлерін көрсетті.

Н.Бөлегенова,

Қосшағыл мәдениет үйі әдіскері