ken-zhyloi.kz
Өткен аптада Құлсары қаласындағы "Автожолшылар" ықшамауданы тұрғындары үшін қуанышқа толы күн болды.
- Бұл игі істі ел тәуелсіздігінің 30 жылдығы аясында Теңіз кенішіндегі ірі компанияның бірі - "ССЕР" компаниясы қолға алды. Компания басшылығына құлсарылықтар атынан алғыс айтамыз, - деді Құлсары қаласы әкімі Ернар Ысмағұл.
Сонымен қатар, қала әкімі ықшамаудан тұрғындарын балалар ойын алаңына ұқыптылықпен қарауға шақырды.
- "ССЕР" компаниясы Жылыой ауданы тұрғындарына әрдайым көмек қолын созып келеді. Компания пандемия басталғанда алғашқылардың бірі болып көмекке келіп, халықтың осал тобындағыларды ыстық тамақпен қамтыған еді. Әртүрлі мерекелерге орай азық-түлік сертификаттарын үлестіру жолға қойылған. Биыл компания Жылыой ауданы әкімдігімен бірлесе атқарған жұмыстар арқасында осындай ойын алаңын салуға қаржылай демеушілік көрсеткен болатын.
Балалар - біздің болашағымыз. Балаларымызға жарқын болашақ тілеймін, - деген лебізін білдірді "ССЕР" компаниясының атқарушы директоры Орақ Бисембиев.
Ж.Жеткізгенқызы
