«Басы ауырмағанның Құдаймен ісі жоқ» дегендей, мен көшеде өріп жүрген бұралқы иттердің зиянын айтқым келеді. Біз зейнеткерлерміз, зейнетақымыздың мөлшері 61 000 теңге. Ол қаражат келте тондай басыңа тартсаң, аяғыңа жетпейді. Сосын азын-аулақ қой-ешкі ұстаймыз, сүтін ішіп, етін жейміз.
«Басы ауырмағанның Құдаймен ісі жоқ» дегендей, мен көшеде өріп жүрген бұралқы иттердің зиянын айтқым келеді. Біз зейнеткерлерміз, зейнетақымыздың мөлшері 61 000 теңге. Ол қаражат келте тондай басыңа тартсаң, аяғыңа жетпейді. Сосын азын-аулақ қой-ешкі ұстаймыз, сүтін ішіп, етін жейміз.
Ал көшеде өріп кеткен бұралқы иттер болса, осы еңбегімізді еш етіп, алдымызға салып отырған уақ жандығымызды қаздай қуалап, жаудай тиіп отыр. Кешке иттерден қорқып, бытырай қашқан малымыздың қай қораға кіріп кеткенін байқамай қаламыз, сосын іздеу салып жүргеніміз. Осы бұралқы иттер жүндері жұлым-жұлым боп, арасында қотыры да бар шығар, айналаны ластап жүргені былай тұрсын, адамға, малға кесірін тигізіп тұр. Осыны жауапты мекемелер неге қадағаламайды? Әрі ит ұстаған адамдарға айтар ұсынысым да бар еді: иттеріне заңды түрде құжат алып, үйінде шынжырлап ұстағаны жөн.
Несібелі Әбуова, «Барлаушы» қалашығының тұрғыны
Сурет: Ашық дереккөз
