Атырау облысында COVID-19 індетінен екі адамның өлімі тіркелді.
Атырау облысында коронавирус инфекциясынан екі өлім жағдайы тіркелді, деп COVID-19 таралуына жол бермеу жөніндегі ведомствоаралық комиссия хабарлайды.
Екі науқас - Атырау облысының тұрғыны. Біріншісі - 1964 жылы туған, Теңіз кен орнының қызметкері. Екінші науқас - 1951 жылы туған, зейнеткер.
Қазіргі уақытта Covid-19 инфекциясы салдарынан қайтыс болған науқастардың өлім жағдайын талдау мақсатында құрылған комиссия осы жағдайларға клиникалық тексеріс жүргізуде.
Қорытындысы тексерістен кейін қосымша хабарланады.
