Астанада өткен «Нұр Отан» партиясының кезекті XVIII съезінде Елбасы ауылдың дамуына мән беріп, ауылдағыларға жұмыс беру туралы жақсы айтты. "Ауыл - ел бесігі" бағдарламасын құруды тапсырып, ол үшін 90 млрд теңге бөлініп, 2019-2020 жылдары игерілуі керектігін жеткізді.
Қазіргі кезде бізде аулдық жерде жұмыс көздерін ашуды нақты жүзеге асыра алмай отырғанымыз рас. "Біздің ауылдарды даму нүктесіне айналдыру керек. Қытайдың индустрияландыруды қалай бастағаны есіме түсіп отыр. Олар ауылшаруашылығын дамытты, электроника шығара бастады. Біз электроника ойлап шығармай-ақ қояйық, бірақ ауылда жұмыс орындарын ашуға болады ғой" деді Елбасы өз сөзінде. Расында, ауылшаруашылығына көбірек мән берілсе, ата кәсіпті жандандырсақ, ел экономикасын тұрақтандыруға болары сөзсіз.
Ауылшаруашылығында ұзақ жылдар жемісті еңбек еткен шаруалардың тәжірибесін пайдаланып, оларды жастарға тәлімгерлік жасауға бағыттаған дұрыс. Мал бағып, ел экономикасына үлес қосауға ниет білдіргендерге жер мен су мәселесін шешуде қолдау көрсеткен жөн.
Бақтығали Жиенқұлов,
«Ащысай» шаруа қожалығының жетекшісі.
